U paniadziełak budzie pieravažać vobłačnaje nadvorje, choć i biez apadkaŭ. Čakajecca tuman, a na darohach hałalodzica. Unačy ad -4 da +1, dniom — ad 2 hradusaŭ marozu da +3.
PA Media
Mienavita zaŭtra viečaram, u dzień zimovaha soncastajańnia (u Biełarusi budzie kala 18:00-21:00) pavinna adbycca złučeńnie na niebie Saturna i Jupitera.
H. zn. dźvie zvyšmasiŭnyja płaniety — Saturn i Jupiter — padyduć na načnym niebaschile adzin da adnaho nastolki blizka, što z punktu hledžańnia ziamnoha naziralnika buduć vyhladać adnoj jarkaj zorkaj.
Heta sama pa sabie redkaja źjava ŭ 2020 hodzie budzie asablivaj pa dvuch pryčynach.
Pa-pieršaje, tak blizka hetyja dźvie płaniety apošni raz sychodzilisia prykładna 800 hadoŭ tamu, i bolš takoha na našym stahodździ ŭžo nie adbudziecca, adznačaje Bi-bi-si.
Pa-druhoje, toj fakt, što ich złučeńnie adbudziecca 21 śniežnia, u dzień zimovaha soncastajańnia — jakraz napiaredadni zachodniaha Rastva, — sparadziła teoryi ab tym, što, mahčyma, mienavita złučeńnie Jupitera i Saturna apisana ŭ Novym Zapaviecie jak Viflejemskaja zorka, jakaja ŭzyšła kala 2000 hadoŭ tamu i jakaja stała pradvieśnikam naradžeńnia Isusa Chrysta.
Voś tolki biada. U Minsku budzie pachmurna i pabačyć redkuju astranamičnuju źjavu, vidać, nie ŭdasca. Ale raptam budzie jasna, to hladzieć treba ŭ paŭdniova-zachodnim napramku viečaram (samo źlićcio adbudziecca ŭ 20:37).
