A1 zaćvierdziŭ ekałahičnuju palityku na 2021-2025 hady. Kampanija raspracavała i pryniała aficyjny dakumient, u jakim prapisała asnoŭnyja pryncypy i abaviazalnictvy ŭ halinie achovy navakolla i zabieśpiačeńnia ekałahičnaj biaśpieki. Novaja palityka zakranie ŭsie aśpiekty dziejnaści A1, pakolki z 2020 hoda adnym z pryjarytetaŭ kampanii ŭ śfiery karparatyŭnaj sacyjalnaj adkaznaści stała ekałohija.
Kab minimizavać uździejańnie na navakolnaje asiarodździe, A1 u miežach Environmental. Social. Governance (ESG) vyznačyŭ kankretnyja mety i zadačy, jakija z 2021 pa 2025 hod kampanija płanuje dasiahnuć pa troch asnoŭnych napramkach: enierhaefiektyŭnaść, skaračeńnie vykidaŭ vuhlakisłaha hazu ŭ atmaśfieru i źnižeńnie śmiećcievaha śledu.
Siarod inicyjatyŭ, jakija razhladaje kampanija:
- vykarystańnie adnaŭlalnych krynic enierhii dla ŭłasnych patreb,
- absłuhoŭvańnie sietak suviazi ź lepšymi pakazčykami enierhaefiektyŭnaści,
- skaračeńnie aŭtaparka,
- pierachod da vykarystańnia aŭtamabilaŭ na elektraruchavikach,
- aptymizacyja paasobnaha zboru śmiećcia ŭ ofisach i centrach prodažu i absłuhoŭvańnia klijentaŭ,
- pieravod unutranaha i źniešniaha dakumientazvarotu ŭ elektronny farmat.
«Na hłabalnym uzroŭni A1 imkniecca da taho, kab minimizavać uździejańnie na navakolnaje asiarodździe za košt prymianieńnia enierhaefiektyŭnych sistem i naład dla absłuhoŭvańnia sietak, skaračeńnia «vuhlarodnaha śledu» pry vykarystańni adnaŭlalnych krynic enierhii, razumnaha kiravańnia resursami i adychodami. My vierym, što kožny krok na hetym šlachu, vialiki i maleńki, dapamahaje ruchacca da dasiahnieńnia adzinaj mety, i imkniomsia zacikavić idejaj bieražlivaha staŭleńnia da pryrody i ekałahičnych pavodzinaŭ našych supracoŭnikaŭ, klijentaŭ i partnioraŭ, a taksama ŭsich, dla kaho važna, jaki śviet my pakiniem paśla siabie budučym pakaleńniam. U svaju čarhu, my spadziajomsia, što našy imknieńni i dziejańni zrobiać uniosak u ahulnuju spravu achovy navakolla, a A1 stanie hodnym prykładam dla inšych biznesaŭ u Biełarusi», — adznačyŭ hienieralny dyrektar kampanii A1 Hielmut Duz.
Aznajomicca z poŭnaj viersijaj ekałahičnaj palityki A1 možna na aficyjnym sajcie kampanii.
Dla kampanii A1 ekałohija i achova navakolnaha asiarodździa źjaŭlajucca važnym stratehičnym napramkam karparatyŭnaj sacyjalnaj adkaznaści. U 2020 hodzie kampanija ŭstalavała soniečnyja paneli ŭ siami adukacyjnych ustanovach Biełarusi — pieramožcach konkursu «Enierhija sonca dla Zialonych škoł», udzieł u jakim brali adukacyjnyja ŭstanovy z usich rehijonaŭ krainy — uładalniki śpiecyjalnaha dypłoma «Zialonaj škoły». Kožnamu ź siami finalistaŭ kampanija A1 pieradała pa kamplekcie śpiecyjalnaha abstalavańnia dla pieraŭtvareńnia soniečnaj enierhii ŭ elektryčnuju, a taksama dla nahladnaj demanstracyi vynikaŭ raboty sonca školnikam.
Konkurs «Enierhija sonca dla Zialonych škoł» — heta nie pieršaja inicyjatyva A1 u halinie adnaŭlalnaj enierhii, jakaja źviartaje ŭvahu na efiektyŭnaść ukaranieńnia takoha rodu rašeńniaŭ. Z 2016 hoda ŭ Brahinskim rajonie Homielskaj vobłaści funkcyjanuje soniečnaja elektrastancyja z 85 tysiač soniečnych panelaŭ, pabudavanaja na srodki kampanii.
