Sud Chojnickaha rajona 16 śniežnia prysudziŭ 1 hod kałonii ahulnaha režymu invalidu 2-j hrupy ŭ suviazi z ankałahičnym zachvorvańniem Alaksieju Ramanavu za «abrazu prezidenta» (artykuł 368 Kryminalnaha kodeksa), piša «Radyjo Svaboda».
Prysud jašče nie nabyŭ siłu i moža być abskardžany. Alaksieja Ramanava ŭziali pad vartu ŭ zale suda.
Jon aktyŭna ŭdzielničaŭ u ahitacyjnych pikietach štaba Śviatłany Cichanoŭskaj jak vałancior. Na pikiecie ŭ Chojnikach 28 lipienia mužčyna niehatyŭna vykazaŭsia pra Alaksandra Łukašenku. Suprać Ramanava raspačali kryminalnuju spravu.
Pasiadžeńnie na patrabavańnie prakurora Andreja Sudoma prachodziła ŭ zakrytym režymie. Prakuror zapatrabavaŭ pakarać Alaksieja kałonijaj na adzin hod. Advakatka Rahnieda Tahaj vykazałasia, što jaje padabaronnaha varta pakarać štrafam.
