Fota Nadziei Bužan
Mikałaju Statkieviču «abciažaryli» abvinavačvańnie, paviedamiła ŭ svaim fejsbuku jaho žonka Maryna Adamovič.
«Siońnia Mikałaju «pieravystaŭlena» abvinavačvańnie. «Dadali» č. 2 art. 293 KK. Nibyta jon ź Cichanoŭskim i Sieviaryncam rychtavali masavyja biesparadki», — napisała jana. Pa hetaj častcy artykuła prahledžana pakarańnie da vaśmi hadoŭ pazbaŭleńnia voli.
Statkieviča zatrymali 31 maja pa darozie na Kamaroŭski rynak u Minsku, dzie jon źbiraŭsia naviedać vybarčy pikiet Śviatłany Cichanoŭskaj.
Tady ŭ dačynieńni da jaho zaviali kryminalnuju spravu pavodle č. 1 art. 342 Kryminalnaha kodeksa Biełarusi («Arhanizacyja abo ŭdzieł u dziejańniach, jakija hruba parušajuć hramadski paradak»). Maksimalnaje pakarańnie pa hetym artykule — da troch hadoŭ pazbaŭleńnia voli.
