Pradstaŭnik Śviatłany Cichanoŭskaj pa ekanomicy Aleś Alachnovič na sumiesnaj z Nacyjanalnym antykryzisnym upraŭleńniem Paŭła Łatuški pres-kanfierencyi prezientavaŭ siem napramkaŭ ekanamičnaha cisku na ŭłady, pa jakich užo idzie praca.
Pieršaje — heta ŭnutranyja sankcyi. To-bok abmiežavańnie samimi biełarusami pakupak tavaraŭ i pasłuh kampanij, u jakich adbyvajucca represii i jakija padtrymlivajuć režym. Jašče adzin važny napramak — abmiežavańnie płaciažoŭ u dziaržbiudžet, u tym liku padatkaŭ i pakupak hałoŭnych padakcyznych tavaraŭ — ałkaholu i cyharet. Akramia taho, mahčyma zaciahvańnie terminaŭ uniasieńnia płaciažoŭ u biudžet, pryčym u ramkach zakona, adznačyŭ Alachnovič.
Druhoje — heta rasśledavańnie i abmiežavańnie karupcyjnych schiem pastavak tavaraŭ ź Biełarusi pryvatnymi kampanijami, nabližanymi da režymu. Tut havorka pra sankcyi ES i ZŠA suprać «kašalkoŭ» režymu.
Treciaje — zamarozka mižnarodnaha supracoŭnictva ź dziaržsiektaram. Razmova ab prypynieńni adnosin z režymam z boku JEBRR, MVF, JEIB, Suśvietnaha banka na karyść supracoŭnictva z hramadzianskaj supolnaściu Biełarusi.
Čaćviortaje — spynieńnie mižnarodnaha supracoŭnictva i finansavańnia dla biełaruskich dziaržbankaŭ. Abmiežavańnie kredytnych linij ad mižnarodnych bankaŭ dla daččynych bankaŭ unutry krainy.
Piataje — zakryćcio mižnarodnych finansavych rynkaŭ dla emisii novych dziaržablihacyj. Infarmavańnie mižnarodnaj supolnaści ab tym, jak režym parušaje asnoŭnyja ekanamičnyja pravy biełarusaŭ — naprykład, błakavańniem rachunkaŭ, na jakija prymałasia dapamoha fondaŭ salidarnaści. Zapusk abmierkavańnia pierahladu vypłaty dziaržablihacyj, vypuščanych režymam paśla 9 žniŭnia 2020 hoda.
Šostaje — abmiežavańnie ekspartu klučavych dziaržpradpryjemstvaŭ. Razmova ab pracy z takimi kampanijami, jak Yara ŭ Narviehii, jakaja ŭvachodzić u top-10 hałoŭnych pakupnikoŭ pradukcyi «Biełaruśkalija».
Siomaje — heta spynieńnie zamiežnych inviestycyj i z boku pradpryjemstvaŭ, i z boku inšych dziaržaŭ.
— Kali hetyja miechanizmy nie spracujuć, a represii buduć praciahvacca, moža być prymieniena adklučeńnie dziaržbankaŭ Biełarusi ad sistemy SWIFT. Heta samy radykalny vid sankcyj, tamu ŭ hetym pytańni ofis Śviatłany Cichanoŭskaj ličyŭ nieabchodnym pravieści apytańnie narodnaj dumki, — adznačyŭ Aleś Alachnovič.
