15 śniežnia na miescy tušeńnia pažaru ŭ domie sastarełych u vioscy Išbułdzina ŭ Baškiryi (RF) vyjavili cieły 11 čałaviek. Pra heta paviedamiła TASS pres-słužba MNS Rasii.
Na momant prybyćcia pažarnych adnapaviarchovy budynak hareŭ całkam. Płošča pažaru skłała 72 kv. m.
U zharełym budynku znachodzilisia 16 čałaviek, piaciora ź ich vyratavanyja. Adzin z vyratavanych špitalizavany z-za chraničnaha zachvorvańnia.
Jak adznačyła krynica ŭ ekstrannych słužb, piersanał pansijanata, pa papiarednich dadzienych, zmoh vyratavacca, zahinuli tolki pastajalcy stałaha vieku.
Raspačataja kryminalnaja sprava.
Pavodle źviestak krynicy, pansijanat nie mieŭ licenzii na pastajannaje pražyvańnie pastajalcaŭ.
Pryčynaj pažaru mahło stać nieaściarožnaje abychodžańnie z ahniom.
