Śviatłana Cichanoŭskaja sustrełasia ź fiederalnym prezidentam Hiermanii Frankam-Valteram Štajnmajeram.
Štajnmajer vykazaŭ zachapleńnie podźviham biełaruskaha naroda. Jany abmierkavali važnaść nacyjanalnaj identyčnaści ŭ baraćbie za svabodu. Śviatłana padkreśliła, što mova, historyja, cikavaść da kultury i BČB-ściaha — heta toje, što ŭmacoŭvaje pratest.
Cichanoŭskaja zajaviła, što Łukašenka tak ci inakš sydzie, ale važna, kab heta zdaryłasia jak maha chutčej. I nahadała, jak važna, kab Hiermanija padtrymała pašyreńnie sankcyj.
Na sustrečy taksama havaryli pra vakcynu ad karanavirusa i pra mahčymuju dapamohu Hiermanii ŭ vyhladzie pastavak vakcyny dla daktaroŭ u Biełarusi, jakija vymušanyja pracavać u składanych umovach.
Cichanoŭskaja i Štajnmajer abmierkavali i ŭdzieł ABSIE — novy hienieralny sakratar Chielha Šmid mahła b syhrać važnuju rolu ŭ arhanizacyi pieramoŭ pa praviadzieńni novych vybaraŭ. Cichanoŭskaja padkreśliła, što biełarusy zmahajucca nie tolki za novyja vybary, ale i za čałaviečnaść, niezaležnaść i pavahu da siabie.
