Sud Centralnaha rajona Minska padoŭžyŭ jašče na dva miesiacy termin utrymańnia pad vartaj Śviatłany Kuprejevaj, siabroŭki siamji Babaryki. Pra heta raspavioŭ Tut.by jaje advakat Jaŭhien Pylčanka.
Śviatłana Kuprejeva znachodzicca ŭ SIZA KDB užo krychu bolš za 6 miesiacaŭ. 11 śniežnia sud znoŭ padoŭžyŭ joj termin utrymańnia pad vartaj. Heta značyć, što ŭ źniavoleńni jana moža pravieści 8 miesiacaŭ. Jaje advakat padaŭ skarhu na heta rašeńnie.
— Na nastupnym tydni, a vierahodna, što i na hetym, sud jaje razhledzieć, — kaža pravaabaronca Jaŭhien Pylčanka. — Kali sud abo śledstva nie zachoča źmianić mieru strymańnia, to Śviatłana zastaniecca pad vartaj da 11 lutaha 2021 hoda.
Nahadajem, Śviatłana Kupriejeva — blizkaja siabroŭka siamji Babaryki i były člen jaho inicyjatyŭnaj hrupy, ciapier na piensii, ale padzarablała ŭ drobnych firmach buchhałtaram. Žyvie jana ŭ staroj chruščoŭcy, jakaja naležyć jaje maci. Jaje zatrymali 11 červienia i źmiaścili ŭ SIZA KDB spačatku ŭ jakaści zatrymanaj, a z 13 červienia — źniavolenaj pad vartu. Padazrajecca jana va ŭchileńni ad vypłaty padatkaŭ, čym naniesła dziaržavie škodu na sumu, ekvivalentnuju amal 4 miljonam dalaram.
