Fota Vitala Palinieŭskaha
U piatnicu źjaviłasia navina, što mitrapalit Minska-Mahiloŭski, staršynia Kanfierencyi Katalickich biskupaŭ u Biełarusi Tadevuš Kandrusievič, zajaviŭ, što napisaŭ prašeńnie ab adstaŭcy.
Arcybiskup Kandrusievič zaraz znachodzicca na Biełastoččynie, jaho nie puścili ŭ Biełaruś 31 žniŭnia, kali jon viartaŭsia z Polščy
«Jašče inšaja sprava, što 3 studzienia nastupnaha hoda mnie spoŭnicca 75 hadoŭ. Ja aficyjna padaju prašeńnie ab sychodzie z pasady i pavinien vyjści na piensiju. Ja ŭžo napisaŭ prośbu ab adstaŭcy i ŭ najbližejšy čas pieradam jaje nuncyju», — skazaŭ ijerarch.
Redakcyja partału Catholic.by paprasiła prakamientavać hetyja słovy arcybiskupa Tadevuša Kandrusieviča ksiandza kanonika Dźmitryja Puchalskaha, jaki źjaŭlajecca kancleram Kuryi Minska-Mahiloŭskaj archidyjacezii i śpiecyjalistam u halinie kananičnaha prava Katalickaha Kaścioła.
«Pavodle kanona 401, parahraf 1, kožnamu dyjacezijalnamu biskupu, kali jamu spaŭniajecca 75 hadoŭ, prapanujecca padać prašeńnie ab sychodzie z pasady Śviatomu Ajcu, jaki, razvažyŭšy ŭsie abstaviny spravy, prymie svajo rašeńnie.
Ale heta nie aznačaje, što pa dasiahnieńni 75-hadovaha ŭzrostu dyjacezijalny biskup aŭtamatyčna idzie ŭ adstaŭku.
Dyjacezijalny biskup pierastaje vykonvać svaje abaviazki tolki paśla taho, jak jaho adstaŭka budzie pryniata Śviatym Ajcom», — padkreśliŭ śviatar.