Radyjo Svaboda
Viarchoŭny sud anieksavanaha Kryma ŭ čaćvier zavočna prysudziŭ 19 hadoŭ kałonii strohaha režymu biznesoŭcu Lenuru Isłamavu praz abvinavačańnie ŭ arhanizacyi padryvu linii elektrapieradač na poŭdni Ukrainy ŭ 2015 hodzie, što pryviało da błekaŭtu na paŭvostravie i škody na 2 młrd rasijskich rubloŭ. Prysud vyniesieny zavočna, Isłamaŭ apošnija hady žyvie va Ukrainie i abvieščany ŭ vyšuk u Rasii.
Isłamava abvinavačvali pavodle troch artykułaŭ — u stvareńni niezakonnaha ŭzbrojenaha farmavańnia, u publičnych zaklikach da ekstremizmu i ŭ dyviersii.
Isłamaŭ ličyć spravu palityčna matyvavanaj i vyklikanaj jaho nieprymańniem anieksii Kryma. Advakat Isłamava Mikałaj Połazaŭ zajaviŭ u sprečkach, što abvinavačańnie nie padało nijakich realnych dokazaŭ viny padsudnaha.
Lenur Isłamaŭ — uładalnik krymskatatarskaha telekanała ATR, były vice-premjer Kryma paśla jaho anieksii. Pasadu vice-premjera jon atrymaŭ pavodle kvoty Miedžlisa krymskatatarskaha naroda. U tym samym 2014 hodzie źjechaŭ va Ukrainu i atrymaŭ ukrainskaje hramadzianstva.
