mapbelarus.by
Śviatłana Cichanoŭskaja zaklikaje ŭrad Litvy razhledzieć sankcyi ŭ dačynieńni da «Biełaruśkalija», kali heta pradpryjemstva i dalej budzie pieraśledvać svaich rabotnikaŭ za pratesty, piša Delfi.lt.
U intervju BNS Cichanoŭskaja paćvierdziła, što prapanavała pradstaŭnikam uładaŭ Litvy pierahledzieć umovy tranzitu, kali «Biełaruśkalij» budzie praciahvać represii suprać rabotnikaŭ z palityčnych pryčyn. «Biełaruśkalij» karystajecca litoŭskimi čyhunkami i Kłajpiedskim marskim portam dla ekspartu ŭłasnaj pradukcyi. Narviežskaja kampanija Yara niadaŭna papiaredziła, što moža abmiežavać zakupki ŭhnajeńniaŭ u «Biełaruśkalija» z pryčyny represij.
«Pieradusim my pačynajem z umoŭnych sankcyj. Spačatku my źviazalisia z (narviežskaj) Yara. Jany pastavili ŭmovy — kali zvolnicie rabotnikaŭ, my pierastaniem zakuplać vašu pradukcyju. Ale zvalnieńni praciahnulisia, i sankcyi pavinny stać bolš strohimi», — skazała jana.
«My prosim nie zakuplać pradukcyju «Biełaruśkalija», kab hrošy hetych pradpryjemstvaŭ nie pastupali režymu Łukašenki. Heta źviazana nie tolki z «Biełaruśkalijem», ale taksama i z «Hrodna Azotam», «Naftanam» i inšymi kampanijami, jakija važnyja dla režymu.
Ale my nie havorym pra viečnaje spynieńnie — z prychodam novaha prezidenta abo pierachodnaha pieryjadu ŭsie suviazi pavinny być adnoŭlenyja», — skazała Cichanoŭskaja.
Adkaz na pytańnie ab tym, ci razmaŭlała jana pra heta z pradstaŭnikami ŭrada Litvy, byŭ stanoŭčym.
«Tak, my razmaŭlali, ale mierkavańni palitykaŭ padzialilisia.
My padniali pytańnie pavyšeńnia koštu tranzitu, pryviazki da hetaha umoŭ — kali budziecie zvalniać ludziej, my padymiem košty i spynim tranzit. Kab byli ŭmovy — kali ich nie vykonvajecie, my ŭviadziom dadatkovyja abmiežavańni», — miarkuje Cichanoŭskaja.
