Alaksandr Łukašenka padpisaŭ zakon ab ratyfikacyi biełaruska-rasijskaha pahadnieńnia ab uzajemnym pryznańni viz. Adpaviedny dakumient apublikavany na Nacyjanalnym pravavym internet-partale.
U adpaviednaści z pahadnieńniem zamiežnyja hramadzianie i asoby biez hramadzianstva atrymajuć prava na ŭjezd u Biełaruś i ŭ Rasiju na padstavie vizy adnoj ź dziaržaŭ. Pry hetym u damovie adznačajecca, što kožnaja kraina moža samastojna admović hramadzianam trecich dziaržaŭ va ŭjeździe abo skaracić termin ich znachodžańnia na svajoj terytoryi.
Pahadnieńnie było padpisana ŭ Minsku 19 červienia kiraŭnikami dypviedamstvaŭ. Zatym 28 kastryčnika Pałata pradstaŭnikoŭ ratyfikavała jaho. 20 listapada pahadnieńnie ŭchvaliŭ Saviet Respubliki.
Pieršapačatkova dadzienaje pahadnieńnie miełasia być padpisanaje jašče ŭ 2018 hodzie, adznačaje RBK. Adnak tady ŭłady Biełarusi zajavili, što nie paśpieli skončyć «unutrydziaržaŭnyja pracedury», i padpisańnie było adkładziena.
