Urad Ukrainy ŭviadzie ŭzmocnieny karancin z 8 pa 24 studzienia 2021 hoda, paviedamlaje Ukrajinśka pravda.
Ułada nie ličyć patrebnym uvodzić łakdaŭn u śniežni, uličvajučy toje, što idzie niekatoraje źnižeńnie ŭzroŭniu zachvorvańnia.
U toj ža čas, kab razarvać łancuh zachvorvańnia, jaki moža ŭźniknuć paśla śviataŭ, płanujecca zrabić bolš žorstkimi abmiežavańni ŭ studzieni nastupnaha hoda.
Miarkujecca, što z 00 hadzin 8 studzienia pa 00.00 25 studzienia 2021 hoda budzie zabaroniena:
- naviedvańnie navučalnych ustanoŭ, akramia daškolnaj adukacyi i śpiecyjalnych ustanoŭ,
- praca kafe, baraŭ, restaranaŭ (akramia dastaŭki i zakazaŭ na vynas),
- praca handlova-zabaŭlalnych centraŭ (dazvoleny tolki handal praduktami charčavańnia, lekami, u tym liku vieterynarnymi, tavarami asabistaj hihijeny i bytavoj chimijaj), zabaŭlalnych ustanoŭ, sałonaŭ pryhažości, fitnies-załaŭ, basiejnaŭ, kinateatraŭ,
- handal niecharčovymi tavarami, praca niecharčovych rynkaŭ, kaladnych kirmašoŭ.
Hramadski transpart praciahnie pracavać. Taksama buduć pracavać praduktovyja kramy, apteki, banki, paštovyja apieratary, haścinicy. Cyrulni majuć prava pracavać pa papiarednim zapisie.
0
0
0
0
0
0