Fota Nadziei Bužan
Na 80-m hodzie žyćcia ad karanavirusa pamior viadomy biełaruski hieołah Valeryj Vinakuraŭ. Heta zdaryłasia jašče 6 śniežnia. Pra heta na svajoj staroncy ŭ fejsbuku napisała daśledčyca i žurnalistka Iryna Klimkovič.
«Hety čałaviek prykłaŭ nievierahodnyja namahańni, kab my siońnia mahli ciešycca ŭnikalnym muziejem — Parkam kamianioŭ pad adkrytym niebam u Minsku va Uruččy. Jon stolki adkryŭ dla navuki i zrabiŭ dla papularyzacyi minułaha, što niemahčyma ŭsio pieraličyć. Heta sotni dahetul nieviadomych šyrokamu kołu kamianioŭ, siarod ich unikalnyja pomniki hieałohii, heta kamiani z pahanskim minułym — našymi nievierahodnymi lehiendami i padańniami. Kožny z hetych kamianioŭ jon fiksavaŭ, pisaŭ pra ich u svaich artykułach i knihach. (…) Spadar Valeryj byŭ vielmi ścipły, nikoli nie vysoŭvaŭsia, nie braviravaŭ zasłuhami, amal nikoli nie davaŭ intervju. Ja šukała jaho fatahrafiju ŭ internecie i… nie znajšła, — napisała Klimkovič.
Cud va Uruččy. Biełaruski park, jakomu niama anałahaŭ u Jeŭropie
