Fota Nadziei Bužan
Suśvietnaja arhanizacyja achovy zdaroŭja (SAAZ) vypuściła abnoŭlenaje kiraŭnictva pa vykarystańni miedycynskich masak padčas karanavirusa. U im havorycca, u pryvatnaści, što ludziam varta nasić maski pa-za pamiaškańniami, kali niemahčyma trymać dystancyju jak minimum mietr. Dakumient apublikavany na sajcie SAAZ.
Taksama masku nieabchodna nadziavać u pamiaškańniach, takich jak škoły i kramy, kali ŭnutry nielha trymać dystancyju. Akramia hetaha, kali pamiaškańnie nie pravietryvajecca naležnym čynam, masku nieabchodna nasić niezaležna ad mahčymaści dystancyjavacca ad inšych ludziej, havorycca ŭ rekamiendacyjach SAAZ.
Hetyja praviły raspaŭsiudžvajucca na darosłych i dziaciej, starejšych za 12 hadoŭ.
Ludzi z hrup ryzyki (pažyłyja i tyja, jakija majuć chraničnyja zachvorvańni) pavinny nasić masku pry niemahčymaści trymać dystancyju.
