Nočču 16 žniŭnia na Partyzanskim praśpiekcie kiroŭca Renault ździejśniŭ najezd na 19-hadovaha piešachoda, jaki znachodziŭsia na prajeznaj častcy. Ad atrymanych traŭmaŭ piešachod pamior na miescy DTZ.
Jak paviedamlała raniej MUS, «viadoma, što mužčyna, jaki znachodziŭsia na darozie, źjaŭlaŭsia ŭdzielnikam masavych mierapryjemstvaŭ, jakija prachodziać u Minsku. Niepasredna pierad najezdam jon znachodziŭsia na prajeznaj častcy. Heta zaŭvažyŭ kiroŭca Volkswagen i papiaredziŭ piešachoda pra niebiaśpieku, a taksama paprasiŭ syści z darohi na tratuar. Adnak piešachod pakinuŭ jahonyja słovy biez uvahi i praź niekatory čas trapiŭ pad koły Renault».
30 listapada sud Zavodskaha rajona Minska vynies prysud 28-hadovamu kiroŭcu Renault Logan pa č. 2 art. 317 KK RB.
Abvinavačany 16 žniŭnia 2020 kala 3 hadzin 10 chvilin ruchaŭsia za rulom Renault Logan u napramku vuł. Sialickaha z chutkaściu kala 66,5 km/h. Pry hetym jon nie ŭličyŭ intensiŭnaść ruchu, prajaviŭ niaŭvažlivaść i nieabačlivaść.
Prysudam suda mužčyna pryznany vinavatym u parušeńni PDR, što paciahnuła pa nieaściarožnaści śmierć čałavieka. Jamu pryznačana pakarańnie ŭ vyhladzie pazbaŭleńnia voli na termin 2 hadoŭ kałonii va ŭmovach pasialeńnia.
