Biełaruskija chryścijanie ŭsich kanfiesij padpisvajuć zvarot da ŭładaŭ. Vierniki padpisvajucca pad tryma asnoŭnymi patrabavańniami:
— spynić hvałt u dačynieńni da hramadzian, jakija vykazvajuć svajo staŭleńnie da situacyi ŭ krainie, što harantujecca artykułam 33 Kanstytucyi Biełarusi;
— adnavić zakonnaść, vyzvalić usich zatrymanych z palityčnych matyvaŭ i pryciahnuć da adkaznaści pradstaŭnikoŭ dziaržaŭnych orhanaŭ, jakija parušyli zakony;
— pravieści novyja prezidenckija vybary ŭ samyja karotkija terminy, praduhledžanyja zakanadaŭstvam Respubliki Biełaruś. Vybary pavinny adpaviadać mižnarodnym demakratyčnym standartam.
List padpisali pravasłaŭny protaijerej Hieorhij Roj z Hrodna, katalicki śviatar Viktar Žuk ź Viciebska, dacent Minskaj duchoŭnaj akademii Siarhiej Šatroŭski, pastary pratestanckich cerkvaŭ Leanid Varanienka, Antoni Bokun, Taras Telkoŭski, sustaršynia arhkamiteta BCHD Hieorhij Dźmitruk dy šerah inšych asob, piša Radyjo Svaboda.
