Alaksiej Kudzin na akcyi 10 žniŭnia ŭ Maładziečnie. Fota Rehijanalnaja hazieta.
Biełaruski bajec Alaksiej Kudzin, jaki byŭ abvieščany ŭ vyšuk, paviedamiŭ, što jon znachodzicca za miažoj. 19 listapada ŭ Maładziečanskim sudzie pavinna było adbycca pieršaje pasiadžeńnie pa spravie spartsmiena (byŭ zatrymany 10 žniŭnia), adnak jon nie źjaviŭsia, piša Tribuna.com.
Siońnia bajec napisaŭ post u instahramie, dzie paviedamiŭ, što byŭ vymušany źjechać z krainy.
«Vitaju vas, majo šanoŭnaje spadarstva. Ź viadomych pryčyn ja byŭ vymušany źjechać z rodnaj krainy. Zaraz mnie nichto i ništo nie pahražaje. Ale ŭsim sercam ja pobač z tymi, chto zmahajecca za svaju niezaležnaść i śvietłuju budučyniu. Bolš za 17 hadoŭ ja vychodziŭ pad ściaham svajoj dziaržavy. Šmat razoŭ ja ŭzdymaŭ ściah na mižnarodnaj placoŭcy, a ciapier vymušany biehčy ad hetaj sistemy. Ale ja viarnusia nieŭzabavie macniejšym i z praŭdaju ŭ svaim sercy. Žyvie Biełaruś!!!» — napisaŭ jon.
Alaksieja Kudzina abvinavačvajuć pa častcy 2 artykule 363 Kryminalnaha kodeksa — «Supraciŭleńnie supracoŭniku orhanaŭ unutranych spraŭ abo inšaj asobie, jakaja achoŭvaje hramadski paradak». Maksimalnaja sankcyja — da piaci hod pazbaŭleńnia voli.
Jaho zatrymlivali ŭ žniŭni, spartoviec pravioŭ niekalki tydniaŭ u śledčym izalatary ŭ Žodzinie. Paśla jaho pieraviali pad chatni aryšt 21 žniŭnia.