prdg.me
Biełaruskaja paetka Tania Skarynkina stała łaŭreatam premii Andreja Biełaha ŭ naminacyi «Paezija». Pra heta ŭ fejsbuku paviedamiŭ siabra žury Dźmitryj Kuźmin.
Skarynkina atrymała premiju za svaju knihu «I ŭsie pakidali nažy», jakaja vyjšła ŭ 2020-m u maskoŭskim vydaviectvie «Knižny ahlad».
Tania Skarynkina naradziłasia ŭ 1969 hodzie ŭ Smarhoni. Skončyła Biełaruskuju sielskahaspadarčuju akademiju, pracavała paštaljonam, žurnalistam, mastakom-ilustrataram.
Aŭtar knih «Kniha dla čytańnia pa-za pamiaškańniami i ŭ pamiaškańniach» (2013) i «Partuhalskija trochradkoŭi» (2014) — Skarynkina niekatory čas žyła ŭ hetaj krainie. U 2018-m kniha jaje ese «Šmat Česłava Miłaša i troški Ełvisa Preśli» vyjšła ŭ Łondanie ŭ pierakładzie na anhlijskuju. Zaraz žyvie ŭ Smarhoni.