minds.by
27 listapada kiraŭnik BPC mitrapalit Vienijamin pryznačyŭ v. a. staršyni Sinadalnaha infarmacyjnaha adździeła Biełaruskaj pravasłaŭnaj carkvy ijeramanacha Afanasija (Sakałova). Pra heta paviedamlajecca na aficyjnym sajcie BPC.
Takim čynam mitrapalit Vienijamin zadavoliŭ prašeńnie protaijereja Sierhija Lepina ab zvalnieńni pa ŭłasnym žadańni, padziakavaŭšy jamu za šmathadovuju pracu.
Nahadajem, što Sierhij Lepin asudziŭ rujnavańnie miemaryjała ŭ pamiać Ramana Bandarenki, za što padvierhsia krytycy z boku Łukašenki i atrymaŭ papiaredžvańnie ad Hienprakuratury.
Ijeramanach Afanasij (Juryj Sakałoŭ) naradziŭsia ŭ 1966 h. u Kučynie Homielskaj vobłaści. Skončyŭ BDPU (1994 h.), Minskuju duchoŭnuju sieminaryju (1994 h.) i akademii (1999 h.), kandydat bahasłoŭja.
Da vieraśnia 2019 a. Afanasij byŭ nastajacielem prychoda chrama śviatych apostałaŭ Piatra i Paŭła vioski Lasnaja (Mahiloŭskaja jeparchija). Ź vieraśnia 2019 pa sakavik 2020 byŭ pieršym prarektaram Minskaj duchoŭnaj sieminaryi. Z sakavika 2020 hoda pryznačany staršynioj prychodskaha savieta Śviata-Duchava kafiedralnaha sabora Minska.
Ciapier jon prarektar pa vychavaŭčaj rabocie Minskaj duchoŭnaj akademii.
