Pra heta lidar biełaruskaj apazicyi Śviatłana Cichanoŭskaja zajaviła ŭ intervju ŭkrainskaj słužbie «Radyjo Svaboda».
«My chacieli b vykazać svoj punkt hledžańnia, chacieli b pačuć pazicyju Rasii pa biełaruskim pytańni. My susiedzi. I my budziem praciahvać našy adnosiny i ŭ budučyni. Ja chacieła b pahavaryć. I biełarusy hetaha vielmi čakajuć. Nie padtrymki režymu [Łukašenki], a zajavy pra biełarusaŭ, pra naša žadańnie budavać svaju budučyniu razam, a nie namahańniami adnaho čałavieka», — skazała Cichanoŭskaja.
Raniej prezident Rasii Uładzimir Pucin pavinšavaŭ Alaksandra Łukašenku z abvieščanaj pieramohaj na prezidenckich vybarach u Biełarusi 9 žniŭnia. Pucin zrabiŭ heta na nastupny dzień paśla hałasavańnia.
«Pavinšavać to pavinšavaŭ. Ale vy viedajecie, mnie zdajecca, što Rasija taksama nie čakała, što pratesny ruch [Biełarusi] na hety raz budzie mocny, i my pojdziem na pieramohu, bo ŭ vačach biełarusaŭ Łukašenka nielehitymny. I hetaja baraćba, hety ruch pratestu suprać chamstva, niepavahi i antyhumannaści ŭžo ciapier. Vy razumiejecie? U toj čas nichto nie čakaŭ, što heta adbudziecca. Tolki biełarusy sami viedali, što hetym razam usio budzie inakš. I, jak my bačym, tady Rasija padtrymlivała režym [Łukašenki]. Ale ciapier niejki praces čakańnia, čakańnia. Niama aktyŭnaj padtrymki [z boku Rasii]», — skazała Cichanoŭskaja.
Da hetaha času, jak zajaviła lidarka biełaruskaj apazicyi, z boku Kramla nie pastupała sihnałaŭ ab mahčymaj jaje sustrečy z Pucinym.
U toj ža čas Cichanoŭskaja paviedamiła «Radyjo Svaboda», što płanuje naviedać Ukrainu «najbližejšym časam». Data takoha vizitu ŭzhadniajecca z Kijevam, apazycyjanierka skazała, što razmaŭlała pra heta ź ministram zamiežnych spraŭ Ukrainy Dźmitryjem Kulebam.
