Siońnia Łukašenka ahučyŭ frazy, nibyta skazanyja polskim premjeram u dačynieńni Biełarusi. Adna ź ich — «pieramoha revalucyi ŭ Biełarusi — taksama nacyjanalny intares Polščy» — častkova padobnaja na sapraŭdy skazanaje publična Matevušam Maravieckim.
Matevuš Maraviecki
«Svabodnaja Biełaruś — heta častka polskich nacyjanalnych intaresaŭ», — kazaŭ Matevuš Maraviecki 26 žniŭnia padčas narady z pradstaŭnikami parłamienckich partyj Polščy.
«Biełaruś pavinna być niezaležnaj, svabodnaj i demakratyčnaj dziaržavaj», — adznačaŭ jon.
Maraviecki kazaŭ, što ŭ pieršuju čarhu Polšča kancentrujecca na dapamozie represavanym dy ich siemjam, spraščeńni vizavaha režymu, asabliva dla studentaŭ.
Maraviecki taksama nahadaŭ, što ŭžo niekalki biełaruskich dziejačaŭ zmahli skarystacca sproščanym ujezdam ź Biełarusi. Polšča abmiarkoŭvaje mahčymaść stvareńnia płatformy dystancyjnaha navučańnia dla biełaruskich studentaŭ, jakich adličyli ź biełaruskich univiersitetaŭ praź ich hramadzianskuju pazicyju.
Premjer-ministr Polščy zaklikaŭ biełaruskija ŭłady vyzvalić palitviaźniaŭ, u pryvatnaści Matevuš Maraviecki zhadaŭ zatrymanych čalcoŭ Kaardynacyjnaj Rady.
Padčas pieramoŭ kiraŭnika ŭrada i polskaj apazicyi zakranałasia taksama tema polskaj mienšaści ŭ Biełarusi. Premjer Maraviecki zajaviŭ, što abmierkavaŭ stanovišča palakaŭ u Biełarusi sa Śviatłanaj Cichanoŭskaj.
