Prezident ZŠA Donald Tramp zajaviŭ, što pakinie Bieły dom, kali vybarščyki na svaim pasiadžeńni addaduć bolšaść hałasoŭ za jaho kankurenta, kandydata ad Demakratyčnaj partyi Džo Bajdena, pieradaje Reuters.
Pry hetym Tramp čarhovy raz zajaviŭ, što, na jaho dumku, vybary byli sfalsifikavanyja, i padkreśliŭ, što hałasavańnie vybarščykaŭ za Bajdena budzie vialikaj pamyłkaj.
Aficyjna padlik hałasoŭ paśla vybaraŭ prezidenta ŭsio jašče idzie, adnak viadučyja amierykanskija ŚMI ŭžo addali pieramohu Bajdenu. Pavodle źviestak CNN, jon nabraŭ 306 hałasoŭ vybarščykaŭ (pry nieabchodnym minimumie 270), Tramp — 232 hałasy.
Pasiadžeńnie kalehii vybarščykaŭ pryznačanaje na 14 śniežnia, na joj aficyjna budzie abrany prezident ZŠA. Inaŭhuracyja adbudziecca 20 studzienia.
