Viciablanka źbiła muža haračaj patelniaj i naniesła niekalki ŭdaraŭ nažom, paviedamlaje BiełTA.
Incydentu papiaredničała zastolle ŭ haściach, dzie siamiejnaja para adpačyvała ŭ noč z 3 na 4 vieraśnia. 64-hadovaja žančyna pajšła da siabie dadomu, a jaje muž viarnuŭsia tolki ranicaj 4 vieraśnia. Na hlebie reŭnaści pamiž mužam i žonkaj uźnikła svarka, jakaja pierarasła ŭ bojku. Pakryŭdžanaja viciablanka naniesła mužu ŭdary rukami, nahami i pradmietami, što trapili pad ruku, u tym liku nažom i haračaj patelniaj z razahretym alejem. Paciarpiełamu ŭdałosia vyrvacca i syści z chaty. Susiedzi vyklikali jamu chutkuju miedycynskuju dapamohu.
Rasśledavańnie kryminalnaj spravy zavieršana. Žančynie vystavili abvinavačvańnie pa č.1 st.147 KK (naŭmysnaje pryčynieńnie ciažkaha cialesnaha paškodžańnia). Ź jaje ŭziali padpisku ab niavyjeździe.
