26 listapada Maskoŭski sud Minska vynies prysud Dźmitryju Leščanku, jakoha abvinavačvali u tym, što ŭ noč z 13 na 14 žniŭnia jon u stanie ałkaholnaha apjanieńnia praz telefon pahražaŭ hvałtam i padpałam doma susiedu — načalniku adździeła pa pierapadrychtoŭcy Centra pavyšeńnia kvalifikacyi Departamienta achovy padpałkoŭniku milicyi V. A. Ulučenku. A 14 žniŭnia ŭviečary padpaliŭ jaho haspadarčuju pabudovu, paviedamlaje spring96.org.
Abvinavačany skazaŭ, što dakładna nie pamiataje źmiest zvankoŭ, ale byŭ upeŭnieny, što nie pahražaŭ Ulučenku, a paśla z domu nie vychodziŭ. Pra padpał chlava jamu ničoha nieviadoma, vinu admaŭlaje.
Ulučenka paviedamiŭ, što ŭ tuju noč byli try telefanavańni, na treci raz jon paznaŭ hołas susieda, ale nie paviedamiŭ u milicyju, bo nie chacieŭ uzvodzić paklop. Adznačyŭ, što pahrozy hvałtu uspryniaŭ na siabie, a pahrozy padpału — na siamju, bo dali tydzień terminu da taho, jak učyniać padpał.
Na druhim pasiadžeńni prakuror adznačyŭ užyvańnie ałkaholu jak abciažarvalnuju akaličnaść i zapytaŭ pakarać Leščanku piaćciu hadami kałonii ŭzmocnienaha režymu, a taksama viarnuć hrošy za ekśpiertyzu. Advakat adznačyŭ, što abvinavačvańni pa artykułach 364 i 366 nie byli vysaŭlenyja, chacia śledstva pa im išło, prava abvinavačanaha byli parušanyja. Da taho ž, kamiery nie zafiksavali, jak jon pakidaŭ dom ci viartaŭsia tudy, a kaštoŭnaść haspadarčaj pabudovy nizkaja: jana była nie źniščanaja, a paškodžanaja.
Niahledziačy na heta, sudździa pryznačyła pakarańnie, zapytanaje prakuroram: piać hadoŭ kałonii ŭzmocnienaha režymu.
