catholic.by
Biskup Juryj Kasabucki, hienieralny vikaryj Minska-Mahiloŭskaj archidyjacezii, jaki ŭ adsutnaść arcybiskupa Tadevuša Kandrusieviča, jakoha nie puskajuć u Biełaruś, vykonvaje abaviazki jaje kiraŭnika, nie vyklučaje, što suprać jaho mohuć raspačać kryminalnuju spravu. Pra heta jon napisaŭ u fejsbuku.
«Nie vyklučaju, što nieŭzabavie da pieraliku katehoryj ludziej, jakija siadziać za kratami, buduć dałučanyja i śviatary, biskup, — napisaŭ Kasabucki. — Represii praciahvajucca, praciahvajucca dopyty, i mahčyma zaviadzieńnie kryminalnaj spravy ŭ dačynieńni da mianie i a. Sierhija [Lepina]. Ja hatovy».
Raniej biskup Kasabucki asudziŭ źniščeńnie siłavikami narodnaha miemaryjała Ramana Bandarenki ŭ Minsku.
Hetyja słovy aburyli Alaksandra Łukašenku, jaki zahadaŭ razabacca i ź im, i z kiraŭnikom infarmacyjnaha adździeła BPC Siarhiejem Lepinym, jaki taksama vykazaŭsia na hetu temu. Na nastupny dzień Hienprakuratura aficyjna papiaredziła Kasabuckaha i Lepina «ab niedapuščalnaści parušeńnia zakona».
