Pavodle ŭdakładnienych źviestak, u niadzielu 22 listapada ŭ Biełarusi zatrymali nie mienš za 460 demanstrantaŭ. Takuju ličbu «Naša Niva» atrymała šlacham supastaŭleńnia imion, viadomych pravaabaroncam-viasnoŭcam i vałancioram inicyjatyvy «Śpisy Akreścina», i adsiejvańnia imion, jakija dublujucca.
Siarod zatrymanych — 38 čałaviek nie ŭ Minsku. Pa-za stalicaj asabliva šmat ludziej schapili ŭ pasiołku miedykaŭ Baraŭlany (Minski rajon) — nie mienš za 17 čałaviek, usie mužčyny. I ŭ Pinsku (Bresckaja vobłaść) — nie mienš za 9 čałaviek, siarod ich 4 žančyny.
Takim čynam, ahulnaja kolkaść palityčnych zatrymańniaŭ pa stanie na viečar 22 listapada dasiahnuła 30 400.
Ludzi pratestujuć suprać biezzakońniaŭ i falsifikacyi vybaraŭ, patrabujuć sychodu Alaksandra Łukašenki i pierachodu ad dyktatury da demakratyi.
