Doktar Balnicy chutkaj miedycynskaj dapamohi, jakoha Hienprakuratura padazraje ŭ vydavańni miedycynskaj tajamnicy, praciahvaje znachodzicca ŭ SIZA KDB. Pra heta «Svabodzie» paviedamiła jahonaja žonka Natalla.
Znachodžańnie pad vartaj jamu praciahnuli i dazvolili pieradačy.
Muž Natalli pracuje aniestezijołaham-reanimatołaham u BCHMD. Jon doktar najvyšejšaj katehoryi, jamu 36 hadoŭ. Natalla taksama doktarka, jany majuć traich dziaciej. Siamja žyvie ŭ Puchavickim rajonie. U čaćvier tam prajšoŭ pieratrus.
Natalla raskazała, što paśla pieratrusu aproč kampjutara i jaje telefona taksama zabrali 50 dalaraŭ, jakija znajšli ŭ domie.
«My adkrytyja ludzi. Što šukali, ja nie zrazumieła, bo šukali ŭsiudy. Zabrali nievialikuju sumu hrošaj, 50 dalaraŭ, bolš valuty nie było. My ich vyrašyli nie mianiać, heta byli hrošy z dnia naradžeńnia dziciaci», — kaža Natalla.
Natalla dziakuje za padtrymku i salidarnaść kaleham, adnakurśnikam i znajomym.
19 listapada była zatrymanaja taksama žurnalistka Tut.by Kaciaryna Barysievič. Jana taksama znachodzicca ŭ SIZA KDB, učora termin utrymańnia byŭ praciahnuty da 10 sutak.