Žančyna pakazvaje znak «Pieramožam». Minsk, spalny rajon Sierabranka. Fota Nadziei Bužan.
Dziasiatki tysiač ludziej vyjšli na akcyi pratestu ŭ sotniach łakacyj Minsku. Prykładna ŭ dziasiatku kvartałaŭ kolkaść demanstrantaŭ pieravyšała tysiaču. Akcyi pratestu adbylisia taksama ŭ abłasnych centrach i niekatorych haradach.
Kolkaść zatrymanych vymiarajecca sotniami. A heta aznačaje, što ahulnaja ličba zatrymanych za čas pratestaŭ siońnia pierasiahnuła paroh 30 tysiač čałaviek. (Pa stanie na viečar učorašniaha dnia ich było 29 940. Pa stanie na 21.15 niadzieli viadomyja imiony 308 zatrymanych siońnia, što razam składaje 30 248 čałaviek.)
U adroźnieńnie ad minułych vychadnych, demanstranty źbiralisia nie ŭ centry stalicy, a ŭ svaich dvarach i kvartałach. Heta novaja taktyka.
