«Zhodna z trochbakovaj zajavaj, padpisanaj prezidentam Azierbajdžanskaj Respubliki, premjer-ministram Respubliki Armienija i prezidentam Rasijskaj Fiederacyi, padraździaleńni azierbajdžanskaj armii ŭvajšli ŭ Ahdamski rajon 20 listapada. Na praciahu dnia buduć pradstaŭleny fota i videamateryjały z Ahdamskaha rajona», — cytuje RBK zajavu Minabarony Azierbajdžana.
Ahdam — azierbajdžanski horad kala miažy ź niepryznanaj Nahorna-Karabachskaj Respublikaj. Z 1993 hoda jon znachodziŭsia pad kantrolem Uzbrojenych Sił NKR. Padčas bajoŭ u 1993 hodzie jon byŭ praktyčna całkam razburany i faktyčna staŭ «horadam-pryvidam». U adpaviednaści z pahadnieńniem ab spynieńni ahniu ŭ Nahornym Karabachu, Armienija i NKR byli abaviazany pieradać Azierbajdžanu terytoryju Ahdamskaha rajona da 20 listapada.
U noč na 10 listapada stała viadoma, što lidary Armienii, Azierbajdžana i Rasii zaklučyli pahadnieńnie ab spynieńni ahniu. U adpaviednaści ź im, Armienija pieradaje Azierbajdžanu značnuju častku terytoryj Nahornaha Karabacha i terytoryj Azierbajdžana, jakija zastavalisia pad kantrolem Jerevana z 1990-ch hadoŭ. Armianskija siły vyvodziacca z zajmanych pazicyj, u rehijon uvodziacca kala 2 tys. rasijskich miratvorcaŭ z technikaj. Armienii harantujecca stvareńnie transpartnaha kalidora ŭ Karabach pry adnačasovym stvareńni transpartnaha kalidora z Azierbajdžana ŭ ekskłaŭ Nachičevań.
