U mikrarajonie Novaja Baravaja, viadomym pratestnymi nastrojami, časova budzie adklučana aciapleńnie.
Pra heta havorycca ŭ infarmacyi «A-100 Kamfort», jakaja absłuhoŭvaje rajon.
«U suviazi z avaryjaj na kacielni ŭ rajonie «Novaja Baravaja» časova budzie adsutničać aciapleńnie. Avaryjnaja bryhada ŭžo pracuje nad likvidacyjaj niepaładak. Kab paźbiehnuć paharšeńnia situacyi, nastojliva prosim nie źlivać vadu ź sistemy aciapleńnia. Heta pryviadzie da poŭnaha spynieńnia kacielni, bo sistema maje zamkniony kontur, i pry adsutnaści vodazabieśpiačeńnia jaje praca nie moža być adnoŭlena, a značyć, u damach nie budzie aciapleńnia», — havorycca ŭ paviedamleńnie.
Vada ŭ bolšaści damoŭ u Novaj Baravoj źnikła jašče ranicaj u niadzielu. Sprava ŭ tym, što chtości, vierahodna, paškodziŭ zasaŭku ŭ adnym z kałodziežaŭ pa mahistrali padačy vady ŭ rajon. Na praciahu dvuch dzion «Minskvodakanał» hetuju prablemu vyrašyć «nie zmoh», choć zvyčajna takija avaryi likvidujucca ciaham pary hadzin.
Siońnia ŭ NB admienieny zaniatki ŭ škołach i, vierahodna, nie pracujuć dziciačyja sadki.
Čarha ranicaj u aŭtorak pa vadu
