Juryj Vaskrasienski ŭ byłym štabie Viktara Babaryki prezientavaŭ arhanizacyju Kruhły stoł demakratyčnych siłaŭ. Jahonymi paplečnikami stali biznesmien Vital Kryŭko, jaki litaralna ŭčora vyjšaŭ ź SIZA, i niechta Mikałaj Sierykaŭ. Jaho prezientujuć jak čałavieka sa štaba Valeryja Capkały.
«Pravieryli pa śpisach, jon navat nie byŭ siabram inicyjatyŭnaj hrupy, ale sapraŭdy kruciŭsia pastajanna la štaba. Spačatku jon musiŭ być kaardynataram pa Leninskim rajonie Minska, ale nie znajšoŭ ludziej, tamu byŭ inšy. Jon krychu kansultavaŭ u pytańniach biaśpieki. Sprava ŭ tym, što jon chvaliŭsia, što ŭ minułym byŭ siłavikom. Słužyŭ ci to ŭ KDB, ci to ŭ raźviedcy. Syšoŭ sa słužby niezadoŭha da vybaraŭ. Kazaŭ, što nie adpaviadaje toje, što jon vyvučaŭ i što davodzicca rabić», — raskazaŭ «Našaj Nivie» pradstaŭnik štaba Capkały.
