Pres-słužba MUS paviedamlaje, što viečaram 11 listapada kala prypynku «Viazynka» (čyhunka Minsk — Maładziečna) milicyjaniery Maładziečanskaha RAUS zaśpieli dvuch mužčyn, jakija sprabavali niešta zrabić na čyhunačnych rejkach. Kali milicyja padyšła bližej, tyja kinulisia biehčy.
Adzin pabieh u bok vioski Lipieni da schavanaha ŭ kustach aŭtamabila. Mužčynu zatrymali i vyjavili ŭ jaho ŭ zaplečniku butelku ź bienzinam, bałakłavu i abcuhi. Druhoha znajšli za 1,5 km ad čyhunki — jon chavaŭsia ŭ lesie.
Vyśvietliłasia, što heta svajaki z Radaškovičaŭ (36 i 37 hadoŭ). Jany nakłali čatyrochmietrovy mietaličny drot na pierahonie «Radaškovičy — Dubravy» i vyšmaravali śpiecsrodkam rejkavyja nity dla palapšeńnia elektrakantaktu. Milicyja znajšła raściažku i nie dapuściła falšyvaha spracoŭvańnia śviatłafora i błakavańnia ruchu ciahnikoŭ.
Sa słoŭ zatrymanych, jany źbiralisia raźlić bienzin na šlachu adychodu, dumajučy, što takim čynam zmohuć źbić sa śledu słužbovaha sabaku.
Raspačata kryminalnaja sprava, mužčyny źmieščany ŭ izalatar.
