Prezident Azierbajdžana Ilcham Alijeŭ vyśmiejaŭ premjer-ministra Armienii Nikoła Pašyniana paśla abviaščeńnia pra spynieńnie vajny ŭ Nahornym Karabachu. Videazapis jaho zvarotu da nacyi dastupny na YouTube.
Jon zajaviŭ, što Pašynianu nie ŭdałosia damahčysia pryznańnia pravavoha statusu niezaležnaj respubliki dla Nahornaha Karabacha.
«[U hetym dakumiencie] ni słova niama [ab statusie], Pašynian. Što ž zdaryłasia? Što heta, Pašynian? Napeŭna, na praciahu mnohich hadoŭ heta zastaniecca prypavieściu. Što zdaryłasia, Pašynian? Ty źbiraŭsia prakłaści darohu ŭ Džebraił. Tančyŭ! Što ž sa statusam? Nu što, Pašynian, dzie tvoj status? K čortu adpraviŭsia tvoj status, pravaliŭsia, raźlacieŭsia ŭ puch i prach. Niama statusu i nie budzie, pakul ja prezident», — skazaŭ Alijeŭ.
