Ułady Vialikabrytanii z 7 listapada zabaranili ŭjazdžać u krainu žycharam Danii z-za mutacyi karanavirusa, znojdzienaha ŭ norak, piša telekanał «Dožd́».
Hramadzianam Vialikabrytanii, što znachodziacca ŭ Danii, dazvolać viarnucca. Im samim, a taksama členam ich siemjaŭ treba budzie prajści dvuchtydniovy karancin. Abmiežavańni pakul nie raspaŭsiudžvajucca na hruzapieravozčykaŭ. Pry hetym Ministerstva transpartu zajaviła, što hetaje pytańnie abmiarkoŭvajecca.
Tym, chto ŭ apošnija dva tydni viarnuŭsia z Danii, rekamiendavali časova samaizalavacca.
Akramia Danii, novy štam COVID-19 vyjavili ŭ norak u Niderłandach, Ispanii, Šviecyi, Italii i ZŠA, paviedamiła Suśvietnaja arhanizacyi achovy zdaroŭja (SAAZ). Arhanizacyja rekamiendavała ŭzmacnić kantrol nad kantaktami žyvioł ź ludźmi, asabliva nad fiermami norak, i praciahnuć daśledavać virus.
5 listapada ŭłady Danii abviaścili,što zabjuć da 17 miljonaŭ norak paśla vyjaŭleńnia ŭ ich karanavirusa SARS-CoV-2. Novy virus užo pieradaŭsia da 214 ludziej. Akramia taho, žycharam Paŭnočnaj Jutłandyi zabaranili pakidać terytoryju rehijonu, kab spynić raspaŭsiudžvańnie virusa.
