Padlik hałasoŭ na vybarach u ZŠA praciahvajecca. Papiaredniaja roźnica ŭžo sutki visić na «liku» 253:214, a dla pieramohi patrebna 270 hałasoŭ kalehii vybarščykaŭ. Zastałosia padličyć hałasy ŭ šaści štatach.
U Džordžyi, što daje 16 hałasoŭ Kalehii vybarščykaŭ, Džo Bajden skaraciŭ adstavańnie ad Trampa da 1 700 hałasoŭ. Tam padličana 99%, i dva kandydaty majuć 49,4%.
U Paŭnočnaj Karalinie (tam razyhryvajecca 15 hałasoŭ), u Trampa pieravaha ŭ 1,4% i 70 tysiač hałasoŭ (padličana 95%), i jon vidać pieramoža.
A voś u Piensilvanii Bajden skaraciŭ adstavańnie da 22 tysiač (49,5% da 49,2%), tam padličana 95%. Štat daje ažno 20 hałasoŭ. I heta rodny štat byłoha vice-prezidenta.
Zatoje ŭ Aryzonie, dzie ličyłasia, što ŭ Bajdena pieramoha ŭ kišeni, Tramp skaračaje adstavańnie. Jano składaje 47 tysiač, ale tam padličana tolki 90%.
Nahadajem, što Nievada ŭziała tajm-aŭt da piatnicy. Tam lidziravaŭ Bajden. Alaska padličyła 56%, ale tam upeŭniena pieramahaje Tramp.
Tramp darečy paśpieŭ čarhovy raz zajavić pra svaju pieramohu.
