Ściapan Puciła
Upraŭleńnie SK pa Minsku vyniesła pastanovy ab pryciahnieńni ŭ jakaści abvinavačanych Ściapana Puciły i Ramana Pratasieviča pa artykułach Kryminalnaha kodeksa: 293 (Arhanizacyja masavych biesparadkaŭ) i 342 (Arhanizacyja hrupavych dziejańniaŭ, jakija hruba parušajuć hramadski paradak).
Taksama ŭ dačynieńni da ich raspačata kryminalnaja sprava pa č. 3 art. 130 Kryminalnaha kodeksa ŭ suviazi sa ździajśnieńniem naŭmysnych dziejańniaŭ, nakiravanych na raspalvańnie sacyjalnaj varožaści pa prykmiecie prafiesijnaj prynaležnaści.
«Padčas vyvučeńnia infarmacyi, raźmieščanaj u telehram-kanałach, zafiksavanyja nieadnarazovyja fakty zaklikaŭ da pratestaŭ, błakavańnia daroh, zabastovak, kaardynacyi niesankcyjanavanych masavych mierapryjemstvaŭ z ukazańniem kankretnych miescaŭ praviadzieńnia, a taksama maršrutaŭ pieramiaščeńnia. Atrymanyja vyniki psichalinhvistyčnaj ekśpiertyzy, praviedzienaj ekśpiertami HKSE, dałučanyja da materyjałaŭ kryminalnaj spravy i paćviardžajuć vysnovy śledstva», — havorycca ŭ paviedamleńni SK
Ciapier Ściapan Puciła i Raman Pratasievič znachodziacca ŭ miždziaržaŭnym vyšuku.
