Padčas adnaho ź niadzielnych maršaŭ Mikałaj Karpiankoŭ asabista pabiŭ vitrynu kaviarni, u jakoj zamknulisia pratestoŭcy. Fota tut.by
Kiraŭnik HUBAZiKa Mikałaj Karpiankoŭ u «SB. Biełaruś siehodnia» nazvaŭ pratestoŭcaŭ «ekstremistami».
«Pradstaŭniki kłasičnaha kryminalitetu ciapier nie prosta trymajuć niejki niejtralitet. Jany navat bolš zakonapasłuchmiany ład žyćcia viaduć na fonie ekstremistaŭ z apazicyi, — śćviardžaŭ Karpiankoŭ. — Bandyty… toje, što adbyvajecca ciapier na vulicach, nie padtrymlivajuć».
Taksama Karpiankoŭ raspavioŭ pra siońniašnija pryncypy pracy ŭznačalenaj im struktury.
«Samaje hałoŭnaje ŭ našym upraŭleńni — heta vysokamatyvavany, addany krainie i Prezidentu asabovy skład…
My ciapier, naprykład, adkazvajučy za adzin rajon Minska, vyjazdžajem, pracujem tam z vonkavaj słužbaj, śpiecnazam. I litaralna za 2-3 hadziny našy apieratyŭniki navodziać tam poŭny paradak. Zatrymlivajem usich, chto sprabuje ździejśnić ekstremisckija dziejańni».
