Zatrymany inžynier, jaki «źlivaŭ» źviestki pravaachoŭnikaŭ u sietku, paviedamlaje MUS.
35-hadovy mužčyna pracuje inžynieram u telekamunikacyjnaj kampanii i maje dostup da pašpartnych danych, adrasoŭ i telefonaŭ abanientaŭ.
Za dva miesiacy inžynier znajšoŭ i pieradaŭ piersanalnuju infarmacyju 60 čałaviek: milicyjanieraŭ (u asnoŭnym staličnaha AMAPa), kiraŭnictva Śledčaha kamiteta, inšych dziaržorhanaŭ, a taksama členaŭ ich siemjaŭ.
Śledčyja raspačali kryminalnuju spravu za dapamohu ŭ padrychtoŭcy da hvałtu i pahrozam prymianieńnia hvałtu ŭ dačynieńni da supracoŭnikaŭ orhanaŭ unutranych spraŭ i ich blizkich z metaj pieraškodzić zakonnaj dziejnaści.
Pravaabaroncy, mierkavana, pryznajuć zatrymanaha palitviaźniem, bo nijakaha nasilla ŭ dačynieńni da hetych siłavikoŭ nie było. Naadvarot, stvaralniki takich resursaŭ kirujucca žadańniem spynić hvałt i parušeńni pravoŭ i svabod u Biełarusi.
