Urad Polščy adkłaŭ uviadzieńnie abmiežavańni na aborty paśla masavych akcyj pratestu praciŭnikaŭ zabarony. Pra heta piša RBK sa spasyłkaj na kiraŭnika kancylaryi premjer-ministra Michała Dvorčyka.
Pavodle jaho słoŭ, pa zabaronie na aborty «idzie dyskusija, i było b niadrenna dać niekatory čas dyjałohu».
Ułady płanavali apublikavać dakumient Kanstytucyjnaha suda 2 listapada, ale hetaha nie adbyłosia. Takim čynam, zabarona nie ŭstupiła ŭ zakonnuju siłu.
22 kastryčnika Kanstytucyjny sud krainy zrabiŭ bolš žorstkimi antyabortavaje zakanadaŭstva. U pastanovie havaryłasia, što ciapier žycharki Polščy nie zmohuć zrabić abort, navat kali ŭ płoda znojdzienyja nievylečnyja patałohii. Abort dazvoleny tolki ŭ vypadkach, kali žančynu zhvałtavali, adbyŭsia incest abo pry pahrozie žyćciu i zdaroŭju. Paśla hetaha ŭ krainie pačalisia masavyja pratesty.