Niahledziačy na toje, što za chvalaj adličanych studentaŭ moža paśledavać chvala zvolnienych vykładčykaŭ, bolš za 200 supracoŭnikaŭ Biełaruskaha mieduniviersiteta nie spałochalisia: «My, vykładčyki i supracoŭniki ŭstanovy adukacyi «Biełaruski dziaržaŭny miedycynski ŭniviersitet», kirujučysia p. 55 Statuta ŭstanovy adukacyi BDMU, pryncypami zakonnaści, humanizmu, etyki i marali, ličym nieabchodnym davieści da vašaha viedama nastupnaje».
«1. 28.10.2020 va ŭstanovie adukacyi «Biełaruski dziaržaŭny miedycynski ŭniviersitet» adbyłasia biesprecedentnaja padzieja — masavaje adličeńnie studentaŭ, jakija prymali ŭdzieł u roznych mirnych hramadzianskich akcyjach i jakija vykazvajuć svajo staŭleńnie da hramadska-palityčnych pracesaŭ, jakija adbyvajucca ŭ dziaržavie, što źjaŭlałasia realizacyjaj ich nieadjemnaha prava zhodna z art. 33 Kanstytucyi Respubliki Biełaruś.
2. Zhodna z p. 44 Statuta ŭstanovy adukacyi «Biełaruski dziaržaŭny miedycynski ŭniviersitet»: «Adličeńnie jak miera dyscyplinarnaj adkaznaści moža być prymieniena za: praciahłuju adsutnaść (bolš za tryccać dzion, a dla asob, jakija asvojvajuć źmiest adukacyjnych prahram dadatkovaj adukacyi darosłych, bolš za try dni) biez uvažlivych pryčyn na vučebnych zaniatkach na praciahu navučalnaha hoda; sistematyčnaje (paŭtornaje na praciahu navučalnaha hoda) nievykanańnie abo nienaležnaje vykanańnie abaviazkaŭ navučencam, kali da jaho raniej prymianialisia miery dyscyplinarnaha spahnańnia».
3. Nichto z adličanych studentaŭ nie adpaviadaje nazvanym u p. 2 hetaha zvarotu kryteram, a šerahu studentaŭ adzinkavyja propuski zaniatkaŭ byli vystaŭlenyja zadnim čysłom nastolki paśpiešliva, što pryjšlisia na tyja zaniatki, na jakich jany prysutničali.
Takim čynam, ich adličeńnie zroblena niezakonna i rasceńvajecca nami jak palityčna matyvavanaja akcyja adpłaty za niepažadanuju administracyi ŭniviersiteta hramadzianskuju pazicyju. Padobnyja dziejańni administracyi ŭniviersiteta nie tolki hruba parušajuć pravy adličanych studentaŭ (art. 33, 35, 36, 40, 49 Kanstytucyi Respubliki Biełaruś; pp. 3 Kodeksa Respubliki Biełaruś «Ab adukacyi»), ale i źjaŭlajucca demanstracyjaj niepavahi da normaŭ dziejučaha zakanadaŭstva Respubliki Biełaruś i Statuta ŭstanovy adukacyi «Biełaruski dziaržaŭny miedycynski ŭniviersitet».
4. My ličym, što padobnyja dziejańni administracyi ŭniviersiteta mohuć pryvieści da istotnaj radykalizacyi i ŭzmacnieńnia pratestaŭ, palaryzacyi ŭ studenckim i vykładčyckim asiarodździ.
5. Usie hetyja padziei niepaźbiežna pryviaduć da surjoznych imidžavych nastupstvaŭ dla ŭniviersiteta ŭ vačach hramadskaści i zamiežnych partnioraŭ i, jak śledstva, da zhortvańnia šerahu prahram, emihracyi najbolš talenavitych studentaŭ za miažu, dzie im užo prapanujucca roznyja mahčymaści atrymańnia adukacyi, a taksama da pamianšeńnia kolkaści zamiežnych hramadzian, jakija žadajuć atrymać adukacyju ŭ našym univiersitecie.
6. My patrabujem:
6.1. Admianić vydadzieny z parušeńniem normaŭ dziejučaha zakanadaŭstva Respubliki Biełaruś i Statuta ŭstanovy adukacyi «Biełaruski dziaržaŭny miedycynski ŭniviersitet» zahad ab adličeńni šerahu studentaŭ jak dyskryminujučy ich pa palityčnych i hramadzianskich pierakanańniach.
6.2. Prystupić da farmiravańnia va ŭniviersitecie atmaśfiery ŭzajemnaha davieru i partniorskich uzajemaadnosin.
7. U vypadku admovy ŭ zadavalnieńni našych patrabavańniaŭ my pakidajem za saboj prava patrabavać sklikańnia Savieta ŭniviersiteta, źviartacca ŭ respublikanskija i mižnarodnyja arhanizacyi, u tym liku akademičnyja, z chadajnictvam ab prypynieńni členstva ŭniviersiteta ŭ Bałonskim pracesie za hrubaje źnievažańnie pryncypu akademičnych svabod, a taksama damahacca inšymi zakonnymi mietadami i sposabami admieny niezakonnaha zahadu ab adličeńni studentaŭ, realizacyi ich pravoŭ na adukacyju i kampiensacyju pryčynienaj maralnaj škody,
nastojvać na źmienie kiraŭnictva ŭniviersiteta, jaki apynuŭsia nie tolki nie zdolnym u składanaj situacyi zabiaśpiečyć narmalnuju pracu ŭniviersiteta, ale i niepiśmiennymi dziejańniami ŭ składany sacyjalna-palityčny pieryjad dla dziaržavy spravakavaŭ rost pratesnych nastrojaŭ u studenckim asiarodździ».
