19:01
18:33
Častka pratestoŭcaŭ siońnia ŭsio ž, niahledziačy na brutalnyja dziejańni siłavikoŭ, dajšła da Kurapat. Fota — Alaksandry Pilipovič-Suščyc.
18:16
Fota siońniašniaha supraćstajanna pratestoŭcaŭ i siłavikoŭ na padychodzie da Kurapat. Fota — Alaksandry Pilipovič-Suščyc.
17:43
Voś taki bieł-čyrvona-bieły žyvy kalidor utvaryli ludzi, jakija pryjšli siońnia ŭ Kurapaty.
17:33
Tak vyhladaŭ zator i desant siłavikoŭ na Łahojskim trakcie niepadalok ad uročyšča Kurapaty. Foty Tut.by.
17:29
Ludzi ŭsio jašče iduć u Kurapaty. Padymajucca da asnoŭnaha miemaryjała praz žyvy kalidor, jaki pratestoŭcy ŭtvaryli abapał ściežki, staŭšy plačom da plača i ŭźniaŭšy nacyjanalnyja ściahi.
Naviersie, la centralnaha miemaryjała, śpiavajuć pieśni, hučali i «Mury».
Bačna, što mnohija ŭ Kurapatach upieršyniu.
Šmat ludziej usio jašče la «Ekspabieła», niedaloka ad Kurapataŭ.
17:12
Siońnia zatrymali troch žurnalistaŭ haziety «Novy Čas»:
Dźmitryj Dźmitryjeŭ mocna źbity, znachodzicca ŭ Partyzanskim RUUS. Alaksandr Ziańkovič, Jana Trusiła — u Kastryčnickim RUUS.
Taksama źbity žurnalist «Biełsata» Źmicier Sołtan, jon u Kastryčnickim RUUS. U jaho zabrali kamieru i telefon. Afarmlajuć pratakoł.
16:54
16:52
Tysiačy ludziej prarvalisia da Kurapat, niahledziačy na šmatlikija pieraškody na šlachu. Ludzi niasuć kvietki, zapalvajuć śviečki, iduć ad kryža da kryža.
16:41
Prosta ciapier u Kurapatach sotni ludziej. Asobnyja kałony jašče tolki padychodziać, zaraz šmat demanstrantaŭ la «Ekspabieła».
Kali siłaviki pierakryli prachod da Kurapat pa Mirašničenki praz MKAD, ludzi prosta pajšli va ŭročyšča polem.
16:35
16:20
U rajonie MKAD — Mirašničenki siłaviki ŭžyli suprać demanstrantaŭ śviatłošumavuju hranatu, taksama čujucca streły.
16:15
16:10
16:02
Asnoŭnaja kałona demanstrantaŭ prosta zaraz zaniała Karbyšava i ruchajecca ŭ bok Kurapataŭ.
15:56
Tut.by
Tut.by
Tut.by
15:54
Usie stancyi mietro adkrytyja.
15:50
Na Łahojskim trakcie siłaviki ŭzarvali adnu śviatłošumavuju hranatu, pieradajuć čytačy. Byŭ bačny dym. Aŭtamabilisty zaciata sihnalać.
15:42
Patoki ludziej na Kalinoŭskaha, Cikockaha, Kiedyški, praśpiekcie kala mietro «Uschod».
15:35
Asnoŭnaja častka kałony «Uschod» pieramiaściłasia z Kalinoŭskaha na Kiedyški. Žychary mikrarajona trymajuć dźviery padjezdaŭ adčynienymi.
15:32
Na Kalinoŭskaha la chrama Usich śviatych hrupirujucca siłaviki, čuŭsia streł z pompavaha ružža. Pierad hetym ludzi supravadžali ich z padniatymi rukami i skandavańniem: «Jon vas kinie!»
Siudy taksama padjechaŭ vadamiot.
15:30
Demanstranty abychodziać AMAP na rahu Kalinoŭskaha i Kiedyški. Siłaviki ŭžyli śviatłošumavyja srodki, heta nie zastrašyła ludziej. Demanstranty abychodziać AMAP na rahu Kalinoŭskaha i Kiedyški. Siłaviki ŭžyli śviatłošumavyja srodki, heta nie zastrašyła ludziej.
15:24
Novy nalot na demanstrantaŭ na rahu Kiedyški i Kalinoŭskaha.
15:23
Na Kalinoŭskaha prybyli aŭtazaki, vysadzilisia siłaviki. Chvost kałony adrazu pieramiaściŭsia ŭ dvary. Mnohija adyšli ŭ bok Ślapianskaj vodnaj sistemy. Aŭtamabilisty sprabujuć zabłakavać ruch aŭtazakaŭ. Demanstrantaŭ tut dziasiatki tysiač.
15:12
Demanstranty nie źmiaščajucca na tratuarach. Vyjšli na prajeznuju častku vulicy Kalinoŭskaha. Masavaja padtrymka aŭtamabilistaŭ i z damoŭ.
15:10
Užo dziasiatki i dziasiatki tysiač demanstrantaŭ na Kalinoŭskaha i praśpiekcie Niezaležnaści ad pavarotu na Kalinoŭskaha da rajona mietro «Maskoŭskaja».
15:05
Tut.by
Tut.by
Tut.by
Tut.by
15:01
Hałava asnoŭnaj kałony demanstrantaŭ zaraz la skryžavańnia z vulicaj Kalinoŭskaha la mietro «Uschod». Chvost — la mietro «Maskoŭskaja». Kałona nieraŭnamiernaja, ludzi iduć hrupkami. Ahułam u šeści ŭžo biare ŭdzieł kala 20 tysiač demanstrantaŭ.
14:55
Kałona aŭtazakaŭ pieramiaściłasia na Kiedyški z praśpiekta Niezaležnaści, ludzi razyšlisia pa dvarach. U toj ža čas vialikaja kałona sfarmiravałasia la Uschoda.
14:50
14:44
Kala 10 tysiač demanstrantaŭ sabrałasia miž praśpiektam Niezaležnaści i vulicaj Kiedyški proci mietro «Uschod». Kałona sfarmiravałasia na vulicy Kiedyški. Ź Filimonava da ich padjechała kałona busaŭ.
14:42
Vialikija hrupy ludziej praciahvajuć ruch pa praśpiekcie Niezaležnaści. Zaraz jany prachodziać skryžavańnie z vulicaj Filimonava. Iduć pa tratuarach raniejšym maršrutam moŭčki i bieź ściahoŭ.
14:38
Niekalki tysiač ŭdziełnikaŭ maršu ciapier iduć pa vulicy Vałhahradskaj u bok Łahojskaha traktu.
14:36
14:35
Častka kałony zabłakavanaja na ŭčastku ad Vałhahradskaj da BC «Alaksandraŭ pasaž». Kałona raźviarnułasia i idzie da Akademii navuk. Kałonie, što išła ad Uručča taksama pieraharadzili darohu.
14:33
Z dvaroŭ na praśpiekcie Niezaležnaści vybiahajuć ludzi — mahčyma, tam zatrymańni.
Tysiačy ludziej ciapier iduć pa chodnikach. Kałona z aŭtazakaŭ i busaŭ z AMAP jedzie razam ź imi pa praśpiekcie Niezaležnaści. Za budynkam Biełaruśfilma iznoŭ staić łancuh AMAP. Kałona Maršu spyniłasia — vyrašajuć, što rabić.
14:32
Pa moście ad Nacbiblijateki ŭ bok mietro «Maskoŭskaja» vyjechali vadamioty.
14:25
Tut.by
Za skryžavańniem z vulicaj Makajonka dźvie kałony demanstrantaŭ, jakija ruchalisia pa tratuarach, abjadnalisia znoŭ u adnu vialikuju kałonu i rušać dalej pa prajeznaj častcy. Siłaviki jeduć pavoli zzadu.
14:23
Siłaviki stali ŭ łancuh na praśpiekcie, demanstranty abychodziać ich pa tratuary, skandujuć «Fašysty!». Zzadu kałony demanstrantaŭ z busaŭ vyjšli, imavierna, supracoŭniki HUBAZiKa, apranutyja pa-spartyŭnamu z dubinkami ŭ rukach.
14:21
Ad Makajonka na praśpiekt padjechała 6-7 busaŭ, ź ich vyjšli śpiecsłužbisty ŭ čornaj i zialonaj formie. Apošnija trymajuć pompavuju zbroju. Siłaviki ruchajucca ŭ bok kałony. Demanstranty spynilisia kala korpusa BDATU i hrupirujucca.
14:20
Z boku mietro «Maskoŭskaja» danosicca papiaredžańnie MUS ab parušeńni zakanadaŭstva i chłapki, padobnyja na streły.
14:10
Kałona ź niekalkich tysiač čałaviek rušyła pa praśpiekcie Niezaležnaści ad Parku Čaluskincaŭ u bok Kurapat.
Šmat bieł-čyrvona-biełych ściahoŭ.
Taksama jedzie kałona busaŭ.
14:06
14:05
Na bulvary Tałbuchina zatrymali žurnalista TASS Juryja Šamšura.
— Padyšli amapaŭcy, zaprasili ŭ busik, advieźli na Kalinina. Ja paprasiŭ patelefanavać u redakcyju, kamandzir z kimści źviazvaŭsia, vyśviatlaŭ maje źviestki. U vyniku zavieźli za «1000 drobiaziaŭ», paprasili prabačeńnia i adpuścili, — raspavioŭ Šamšur.
13:52
Siońnia siłaviki jeździać, u tym liku na mikraaŭtobusach z numarami taksi. Na praśpiekcie Niezaležnaści zaŭvažanyja aŭtamabili z žoŭtymi numarami Mahiloŭskaj i Minskaj abłaściej.
Kala Kurapataŭ na MKAD užo stajać mikraaŭtobusy ź siłavikami.
«Radyjo Svaboda»
13:50
Ludzi nievialikimi kałonami iduć pa praśpiekcie Niezaležnaści da zavodu «Łuč», i ŭžo niekalki sotniaŭ čałaviek sabrałasia na bulvary Tałbuchina. Jak raspaviadaje adzin mužčyna, da jaho na bulvary padyšli dva pastavyja milicyjanty ŭ formie.
— Ja prosta siadzieŭ na łavačcy, piŭ kołu, jany padyšli i kažuć: «Kali vy chočacie pravieści hety viečar doma, vam varta syści adsiul — na bulvary buduć mierapryjemstvy. Kali nie chočacie, praciahvajcie tut siadzieć». Toje ž samaje jany skazali i baćkam, jakija ź dziećmi źbirali liście na bulvary, — raspavioŭ mužčyna.
13:30
Niepasredna na abvieščanym šlachu mierkavanaha Maršu suprać teroru, jaki maje pajści ŭ Kurapaty, — tolki mašyny DAI, paviedamlajuć karespandenty «Naša Niva». Adnak mietro «Akademija navuk», «Park Čaluskincaŭ» i «Maskoŭskaja» zakrytyja, a ŭ Minsku, jak i kožnuju niadzielu, nazirajecca kancentracyja siłavikoŭ jak u centry, tak i ŭ rajonach vakoł maršrutu Maršu.
12:45
U 12:40 u «metach biaśpieki pasažyraŭ» na ŭvachod i vychad začynienyja stancyi mietro «Akademija navuk», «Park Čaluskincaŭ» i «Maskoŭskaja». Ciahniki iduć biez prypynku na hetych stancyjach, paviedamlaje Minski mietrapaliten.
12:20
Z praśpiekta Niezaležnaści ŭ bok vulicy Vałhahradskaj paviarnuli aŭtazaki i mikraaŭtobusy. Vialikaja kałona techniki i vadamiot nakiravalisia na vuł. Kalinoŭskaha.
Aktyŭnaści siłavikoŭ zaŭvažanyja i kala Steły na praśpiekcie Pieramožcaŭ.
12:10
Z ranicy ŭ Minsku zaŭvažana śpiectechnika, aharodžy na Płoščy Niezaležnaści i Kastryčnickaj, a taksama pierakryty ŭvachod u Park Čaluskincaŭ.
Tradycyjna adklučany mabilny internet.
