Łukašenka padkreślivaje nieabchodnaść kantralavać toje, što adbyvajecca ŭ krainie, kab nie dapuścić destabilizacyi. Adpaviednyja zajavy jon zrabiŭ siońnia na sustrečy z kalektyvam MUS, pieradaje BiełTA.
«Nielha bolš rassłablacca, jak heta było da hetaha buntu. Ni ŭ jakim razie, — skazaŭ Alaksandr Łukašenka. — Zanadta rassłabilisia. Dumali, što budzie ŭsio dobra. Treba zrabić vysnovy, treba atrymać uroki. Ja absalutna pierakanany, što novyja kiraŭniki — ja bolš čym adkryta vam raspavioŭ pra ich i pra svaje zadumy ŭ hetym płanie — zmohuć dasiahnuć pastaŭlenych metaŭ».
«Jašče raz padkreślivaju: hałoŭny kirunak — hrodzienski, brescki — pavinien być zakryty ad miažy (u dobrym sensie słova, kab kamar nosa nie padtačyŭ) da Minska. I tut u Minsku ŭ tym liku. My nie budziem cyrymonicca ni sa studentami, ni z rabočymi niejkich pradpryjemstvaŭ», — zajaviŭ palityk.
