Pres-słužba MUS padzialiłasia svaim bačańniem incydentu, što adbyŭsia 27 kastryčnika na vulicy Leninhradskaj.
«Učora ŭ ŚMI źjaviłasia infarmacyja ab tym, što milicyja zatrymała čatyroch studentaŭ i dastaviła ich u Kastryčnickaje RUUS stalicy. Niekatoryja žurnalisty pasprabavali skazić infarmacyju i paviedamili, što zatrymanyja byli «žorstka źbityja».
Na vulicy Leninhradskaj hrupa studentaŭ udzielničała ŭ niesankcyjanavanym masavym mierapryjemstvie. Niekatoryja ź ich stajali kala darohi: sačyli za źjaŭleńniem słužbovaha transpartu ź milicyjaj.
Padčas spynieńnia supraćpraŭnych dziejańniaŭ čaćviora maładych ludziej akazali supraciŭ i pasprabavali źbiehčy. Adzin sa studentaŭ, uciakajučy ad pravaachoŭnikaŭ, upaŭ i raźbiŭ nos», — havorycca ŭ paviedamleńni.
Paśla razhladaŭ i składańnia pratakołaŭ maładyja ludzi byli pieradadzienyja baćkam i kiraŭnictvu VNU. Pretenzij i skarhaŭ na dziejańni milicyjantaŭ nie pastupała.
U dačynieńni studentaŭ składzienyja administracyjnyja pratakoły pavodle art 23.4 KaAP.
Niepaŭnaletnich studentaŭ źbili paśla zatrymańnia. Voś, što jany raspaviadajuć
