Łukašenka padčas vystupu pierad kiraŭnictvam MUS. Skrynšot ź videa.
Adpaviednyja zajavy jon zrabiŭ siońnia na sustrečy z kalektyvam MUS.
«My ciarpieli. Ja adrazu paznačyŭ: jość čyrvonyja linii. I nie daj boh chtości ich pierastupić. Jany ich pierastupili pa mnohich napramkach, ja pra heta kazaŭ. Tamu tyja, chto siońnia vychodzić na čyhunku, tyja, chto viešaje fašysckija ściahi na linii elektrapieradačy, słovam, tyja, chto siońnia sprabuje razburyć, destabilizavać infrastrukturu dziaržavy, pavinny viedać: ad siońnia, asabliva ŭ kvaterach hramadzian, kudy jany chavajucca, my ŭ pałon nikoha nie biarom, — skazaŭ Łukašenka.
— Kali chto-niebudź dakraniecca da vajennasłužačaha (ja ŭžo rabiŭ zaŭvahu hienierałam), jon pavinien syści adtul jak minimum biez ruk. Ja kažu heta publična, kab usie razumieli našu dalejšuju rašučaść. Dalej — usio. Nam adstupać niama kudy, i my adstupać nie źbirajemsia. Chto hatovy, budziem dziejničać».
Łukašenka zajaviŭ, što nieabchodna reahavać «pryhoža, kab kamar nosu nie padtačyŭ». «My siońnia žyviom nie ŭ vakuumie. Heta nie siaredzina minułaha stahodździa. Časy źmianilisia, i vy heta vydatna bačycie i viedajecie. I tolki toj pieramoža, chto maje žaleznuju volu i ciarpieńnie», — padsumavaŭ jon.
«Ja nikoha nie prymušaju, heta nie moj pryncyp. Ni studentaŭ, jakija siońnia tam strajkujuć nibyta, ni rabočych, ni sialan, ni dziaržaparat, ni vajskoŭcaŭ. Nikoha nie ciahnu ŭ svoj bok. Chočacie — ustavajcie pobač. Ja navat za śpiny vam chavacca nie budu. Pajdu tudy, kudy treba, kudy skažacie, dla taho, kab vy nie bajalisia nikoha i abaranili hetuju krainu», — zajaviŭ Łukašenka.
«Chto nie choča — haspodź z vami. Mahu paŭtaryć, što kazaŭ napiaredadni vybaraŭ: tolki nikoli nie zdradžvajcie! Zdradnikaŭ nie tolki Haspodź nie lubić, ale i tyja, jakija siońnia zavuć vas: «kidajcie, prychodźcie!» Praŭda, nieviadoma, kudy iści. Tamu hladzicie sami. Heta pryncypova. Bo toje, što adbyvajecca, heta detali. Hałoŭnaje — suvierenitet, niezaležnaść našaj krainy, dzie budziem my, našy dzieci i ŭnuki zaŭtra», — padkreśliŭ Łukašenka.
