Dacenta MDŁU Valeryja Piščykava, jaki prasłaviŭsia 26 kastryčnika tym, što pakazvaŭ studentam nieprystojnyja žesty i šturchnuŭ adnaho ź ich, pakarali, piša Jeŭraradyjo.
— Z vykładčykam była praviedzienaja tłumačalnaja hutarka ab niedapuščalnaści takich pavodzinaŭ, z čym jon pahadziŭsia i pryznaŭ, što nie mieŭ racyi, jon taksama pryciahnuty da dyscyplinarnaj adkaznaści,— zajavili ŭ rektaracie ŭniviersiteta.
Pry hetym administracyja MDŁU ŭpeŭnienaja, što vykładčyka spravakavała «adkrytyja ahresiŭnyja pavodziny studentaŭ-pratestoŭcaŭ».
— Studenty dapuskali niecenzurnyja vykryki i abrazy ŭ adras vykładčyka (jość videazapis), a jon nie zmoh strymać emocyj i nie paddacca na pravakacyju. My ličym takija pavodziny nieprymalnymi z abodvuch bakoŭ. I jany zajmiejuć praduhledžanyja zakonam dyscyplinarnyja nastupstvy, — dadali ŭ MDŁU.
Pavodle viersii adnaho z udzielnikaŭ kanfliktu ź Vitalom Piščykavym, usio pačałosia z taho, što dacent nazyvaŭ pratestoŭcaŭ «palicajami», a paźniej sprabavaŭ pierakryvać darohu i šturchnuŭ studenta.
