BiełTA
Takoje mierkavańnie vykazaŭ haziecie «SB. Biełaruś siehodnia» deputat Ihar Marzaluk, kamientujučy roznuju acenku na Zachadzie pratesnych akcyj u Polščy i Biełarusi i reakcyju na ich z boku dziaržavy, piša BiełTA.
«Nasamreč ja nie ŭbačyŭ u siužetach polskaha telebačańnia arhanizavanych uzbrojenych bajevikoŭ. Ale ja bačyŭ, jak bili žančyn, mnie heta vielmi nie padabajecca, heta niešlachietna. Jość takoje paniaćcie, jak lehitymiravanaje prava dziaržavy na prymianieńnie nasilla. Tolki dziaržava dla zachavańnia nacyjanalnaj biaśpieki i hramadskaha pravaparadku maje prava na prymianieńnie nasilla. Kožny hramadzianin, jaki vychodzić na luby mitynh, uziaŭšy ŭ ruki cahlinu, nanosiačy ŭdary, kidajučysia na supracoŭnikaŭ orhanaŭ pravaparadku, pavinien atrymać žorstki adpor. Ci heta Novaja Kaledonija, ci Polšča, ci Biełaruś. Tym bolš kali razmova idzie ab zakručvańni drotu na čyhunačnych puciach abo pahrozach vyrazać siamju», — ličyć parłamientaryj.
Paraŭnoŭvajučy pavodziny pratestoŭcaŭ na vulicach Minska i Varšavy, Ihar Marzaluk robić vysnovu, što polskija pratesty ŭ razy bolš libieralnyja i palitkarektnyja.
«Tamu spadaru Maravieckamu treba dźvie karcinki supastavić i pahladzieć biez usialakich dvajnych-trajnych i inšych standartaŭ. Uspomnim, naprykład, niadaŭnija pratesty ŭ Hiermanii, arhanizavanyja praciŭnikami abmiežavalnych mier u suviazi z pandemijaj karanavirusa. U mianie nie vychodzić z hałavy karcinka, kali troje palicejskich, jakija adbivali šturm bundestaha, zakoŭvajuć žančynu i kropkava bjuć jaje kułakami ŭ pazvanočnik. Cikava, chto-niebudź kaho-niebudź pakaraŭ za heta, «źniaŭ skalp» z hetych palicejskich? Pa-mojmu, ich tolki pachvalili. Pry acenkach takich situacyj nieabchodna pamiatać, što lubyja vuličnyja biesparadki — heta bumieranh, jaki moža prylacieć da ciabie.
Kali čałaviek pierachodzić čyrvonuju rysu, pačynaje bić, razburać, łamać, zaklikaje da źviaržeńnia kanstytucyjnaha ładu, jon pavinien spaŭna panieści adkaznaść. Lubaja ŭłada abaviazana navieści paradak na vulicach i zrabić žyćcio spakojnym. Abo heta nie ŭłada, i tady niama dziaržavy», — padvioŭ vynik deputat.
U žniŭni na piku pratestavych akcyj u internecie było apublikavana videa, jak deputat Marzaluk idzie chistajučysia pa płoščy Niezaležnaści i vyhladaje zusim pjanym. Marzaluk paśla zajaviŭ, što nie byŭ pjany: prosta ŭ pieryjad vybaraŭ pieranios insult na nahach i stratu pamiaci.
