Kala 23:00 28 kastryčnika milicyja zatrymała supracoŭnika homielskaha partała «Mocnych navin» Jaŭhiena Śmirnova. Jon pajšoŭ u kramu i nie viarnuŭsia, piša Radyjo Svaboda
Jak raskazaŭ zasnavalnik «Mocnych navin» Piotr Kuźniacoŭ, noč Jaŭhien pravioŭ u Centralnym RAUS. Tam jon z supracoŭnikami milicyi prahladali videa z akcyj pratestu, jakija prachodzili ŭvosień u Homieli.
Rankam Śmirnova zavieźli na dopyt u Śledčy kamitet jak śviedku ŭ spravie hibieli 25-hadovaha Alaksandra Vichora.
Supracoŭniki «Mocnych navin» zaznajuć pieraśled milicyjaj z 3 kastryčnika. Tady zatrymali hałoŭnaha redaktara Hannu Jakštas i jaje muža, taksama supracoŭnika «MN» Dzianisa Jakštasa. Dzianisa pakarali 15-dzionnym aryštam nibyta za ŭdzieł u akcyi pratestu. Hannu sudzili dvojčy i pakarali štrafam.
10 dzion aryštu atrymała supracoŭnica «MN» Maryna Drabyšeŭskaja. 14 dzion — Nadzieja Pužynskaja.
5 kastryčnika ŭ ofisie redakcyi prajšoŭ pieratrus, va ŭsich supracoŭnikaŭ zabrali techniku i telefony.
