François Bouchon / Le Figaro
Z 29 kastryčnika ŭ Francyi ŭviedzieny ŭsieahulny režym izalacyi, jaki budzie doŭžycca prynamsi da 1 śniežnia. Pra heta zajaviŭ prezident krainy Emaniuel Makron, piša meduza.io.
Žychary Francyi zmohuć vychodzić z domu na pracu, u kramy, na prahułki i dla atrymańnia miedycynskaj dapamohi. Masavyja mierapryjemstvy buduć admienienyja. Začyniacca miescy skapleńnia vialikaj kolkaści ludziej, u pryvatnaści bary i restarany. Na ŭsich pradpryjemstvach, dzie heta mahčyma, uviaduć addaleny farmat pracy. Univiersitety piarojduć na dystancyjnaje navučańnie. Pry hetym dziciačyja sady i škoły praciahnuć pracu.
«Naša meta — źnizić kolkaść zaražeńniaŭ z 40 tysiač da piaci tysiač u dzień», — zajaviŭ Makron.
Za apošnija sutki ŭ Francyi zarehistravana 36 437 novych vypadkaŭ zachvorvańnia na COVID-19, 244 čałavieki pamierli. Z pačatku pandemii ŭ krainie zarazilisia 1 235 132 čałavieki, ź ich pamierli 35 785 čałaviek.
Usieahulny karancin užo dziejničaŭ u Francyi viasnoj. Tady abmiežavańni byli bolš žorstkija, naprykład nie pracavali ŭsie adukacyjnyja ŭstanovy.