Ina Karaban. Fota Nadziei Bužan
Pra heta ŭčora zajaviła načalnik adździeła hihijeny, epidemijałohii i prafiłaktyki Minzdaroŭja Ina Karaban, piša BiełtA.
«Ja kožny dzień na pracu jezdžu hramadskim transpartam, maršrutkaj. U tak zvanuju pieršuju chvalu naroda ŭ maskach było bolš. Ciapier u toj ža maršrutcy, jakaja zapoŭnienaja całkam, maksimum 2-3 čałavieki znachodziacca ŭ maskach. Heta vyklikaje, viadoma, vielmi vialikaje ździŭleńnie. Ja razumieju, što ŭsie ŭžo stamilisia ad hetaha, ale heta naša zdaroŭje.
Mnohija razvažajuć: zachvareju — vylečusia. A kali nie vylečyšsia, a pamreš?» — adznačyła Ina Karaban.
Jana pryznałasia, što takoje hreblivaje staŭleńnie stavić jaje ŭ tupik.
«Ja razumieju, što kožny čałaviek — kaval svajho ščaścia, ale kali my ŭsie razam budziem vykonvać tyja zachady, jakija prapanujucca, ja dumaju, vialikaha rostu zachvorvańnia nie budzie, u tym liku ŭ arhanizavanych dziciačych i darosłych kalektyvach», — skazała Ina Karaban.
Jak pakazvaje dośvied, 98% chvorych adznačajuć, što pobač ź imi ludzi byli biez masak.
Razam z tym mnohaje zaležyć ad pravilnaha našeńnia maski. «Kali my jaje ŭvieś čas tuzajem, nosim na padbarodku, dakranajemsia niamytymi rukami da tvaru, jaki sens jaje nasić?» — dadała Ina Karaban.
Apošnim časam rost vypadkaŭ karanavirusa ŭ Biełarusi, jak i ŭ susiednich krainach, mocna raście. Učora Minzdaroŭja zafiksavała 936 vypadkaŭ. Heta rekord z 26 maja. Padčas pieršaj chvali, pavodle Minzdaroŭja, dzionny rekord byŭ 29 krasavika — 973 vypadki ŭ dzień.